Poem on Coronavirus in Punjabi
ਚੀਨ ’ਚ ਕਹਿੰਦੇ ਪਹਿਲਾਂ ਆਇਆ।
ਕਈ ਮੁਲਕੀਂ ਕਹਿਰ ਮਚਾਇਆ।
ਹਵਾ ਨਾਲ ਨਾ ਉੱਕਾ ਫੈਲੇ।
ਛੂਹਣ ਨਾਲ ਹੀ ਆਉਂਦਾ ਪਹਿਲੇ।
ਡਾਕਟਰ, ਨਰਸਾਂ ਸਭ ਨੂੰ ਦੱਸਣ। |
ਤਿੰਨ-ਚਾਰ ਹੀ ਇਹਦੇ ਲੱਛਣ।
ਛਿੱਕਾਂ, ਖੰਘ, ਚੜੇ ਬੁਖਾਰ।
ਰੋਗੀ ਹੋ ਜਾਏ ਬੜਾ ਲਾਚਾਰ।
| ਅਜੇ ਨਾ ਇਸ ਦੀ ਖਾਸ ਦਵਾਈ।
ਬੀਮਾਰੀ ਭਾਰਤ ਵਿਚ ਵੀ ਆਈ।
| ਹਰ ਕੋਈ ਇਕ ਦੂਜੇ ਨੂੰ ਕਹਿੰਦਾ।
ਲਾਕਡਾਊਨ ਨਾਲ ਕਾਬੂ ਪੈਂਦਾ।
ਸਕੂਲ, ਦਫਤਰ, ਦੁਕਾਨਾਂ ਬੰਦ। |
ਸਭ ਨੇ ਹੌਸਲੇ ਰੱਖ ਬੁਲੰਦ॥
| ਇਹ ਵੀ ਇਹਦੇ ਵਿਚ ਜ਼ਰੂਰੀ। |
ਇਕ ਦੂਜੇ ਤੋਂ ਰੱਖਣੀ ਦੂਰੀ।
ਬੱਸਾਂ, ਜਹਾਜ਼ ਨਾ ਰੇਲਾਂ ਚੱਲਣ।
ਘਰਾਂ 'ਚ ਬੱਚੇ ਖੇਡਣ-ਮੱਲ੍ਹਣ।
ਤਾਲਾਬੰਦੀ ਇਸ ਦਾ ਹੱਲ।
ਇਸ ਵਾਇਰਸ ਤੇ ਪਾਉਂਦੀ ਠੱਲ੍ਹ
| ਕਿਹੜਾ ਵਾਇਰਸ ਏਨਾ ਮਾਰੂ ? |
ਕਿਤੇ ਨਾ ਇਸ ਦਾ ਲੱਭਾ ਦਾਰੂ !
ਇਸ ਵਾਇਰਸ ਨੂੰ ਬੁੱਝ ਦਿਖਾਓ ?
ਛੇਤੀ ਬੁੱਝੋ ! ਦੇਰ ਨਾ ਲਾਓ।